Аз тарафи маркази Лоиҳаи рушди инфраструктураи маҳаллӣ(комуналлӣ) дар Ҷумҳурии Тоҷикистон, лоиҳаи “Обтаъминкунӣ ва беҳдошт дар деҳот” ва бо маблағгузории Бонки ҷаҳонӣ, корхонаи истифодабарии оби нӯшокии деҳоти ноҳияи Кӯшониён бо нақлиёти нави махсуси садамавии қубурҳои обӣ тамғаи “УАЗ-236324” таъмин гардид, ки барои беҳтар гардидани хизматрасонӣ ба аҳолӣ ва сари вақт босифат таъмир намудани қубурҳои обгузар мусоидат хоҳад намуд.

    Имрӯз, дар бинои мақомоти иҷроияи ҳокимияти давлатии ноҳия Вализода Икромиддин Сироҷиддин, раиси ноҳия, сафири Украина дар Тоҷикистон Сервантюк Василий Николаевичро ва ёрдамчии ӯ Кармалита Григоревичро ба ҳузур пазируфтанд. Раиси ноҳия ташрифи меҳмони гиромиқадрро ба ноҳия хайрамақдам гуфта, аз вазъи иқтисодию иҷтимоии ноҳия шинос намуда, қайд намуданд, ки ноҳияи Кӯшониён яке аз ноҳияҳои калонтарини ҷумҳурӣ ба ҳисоб рафта, ноҳияи аграрӣ мебошад.

    “Фаъолияти судяҳо бояд мисли оина покиза бошад ва онҳо бо масъулияти баланд дарк намоянд, ки давлат амалӣ намудани адолати судиро, ки бевосита ба ҳифзу ҳимояи муқаддастарин ва муқаддамтарин арзиш, яъне инсон ва ҳуқуқу озодиҳои ӯ алоқаманд мебошад, ба мақомоти судӣ бовар намудааст ва саҳлангорию бемасъулиятӣ дар иҷрои ин рисолат амали норавост”.

     Имрӯз, бахшида ба рӯзи Парчами давлатии Ҷумҳурии Тоҷикистон, аз тарафи роҳбарияти ноҳия ва меҳмонон, собиқадорони меҳнат дар соҳаи тиб ва маориф Раҷабов Нуралӣ ва Салмонов Саъдулло аёдат гардида, ба онҳо шириниҳо ва маводҳои ғизоӣ кӯмак расонида шуд. Раиси ноҳия собиқадорони меҳнатро, бо рӯзи Парчами давлатӣ табрик намуда, ба онҳо тансиҳативу хонаободӣ таманно намуданд.