Санаи 29 декабри соли 2023, бо мақсади шарҳу тавзеҳи Паёми навбатии Асосгузори сулҳу ваҳдати миллӣ- Пешвои миллат ба Маҷлиси Олии кишвар оид ба самтҳои асоси сиёсати дохилию хориҷии мамлакат барои давраҳои оянда, вохурии роҳбарияти ноҳия дар МТМУ №3-и Ҷамоати деҳоти Меҳнатобод бо фаъолони ҷамоат ва омӯзгорону хонандагон баргузор гардид. Сараввал раиси ноҳия Вализода Икромиддин Сироҷиддин, вобаста ба тамоми нуқтаҳои Паёми навбатии Пешвои миллат суханронӣ намуда қайд намуданд, ки Паём барномаи мукаммал барои ҳамаи қишрҳои ҷомеа буда, самтҳои асосии сиёсати хориҷӣ ва таъмини пешрафти соҳаҳои иқтисоду саноат, амнияту субот, роҳу нақлиёт, рушди илму маориф, энергетика, сайёҳии дохилӣ, рушди ҳунарҳои мардумӣ, ҳифзи иҷтимои аҳолӣ ва дигар самтҳоро фарогир мебошад. Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ҳуҷҷати барномавӣ буда, дар он самтҳои афзалиятноки рушди иқтисодӣ, ичтимоӣ, фарҳангӣ, ва ҳуқуқии мамлакат ҷиддӣ таҳлил гардида, роҳҳои ба мақсад мувофиқи рушду тараққиёти Тоҷикистони соҳибистиқлол барои оянда мушаххасан нишон дода шудаанд.
Дар қисмати дигарӣ вохӯрӣ ба собиқадорони муассисаи таълимӣ ва ғолибони озмуни “Хонандаи сол”-и МТМУ №3 аз рӯи номинатсия, хонандаи беҳтарин, расми беҳтарин, луғати беҳтарин, хаттӣ беҳтарин, рузномаи беҳтарин, туҳфаҳои пулӣ ва ба хонандагони аз оилаҳои эҳтиёҷманд либосҳои зимистона ва пойафзол, ки аз тарафи вакили ноҳия, соҳибкор Давлатов Дилшод хатмкардаи ҳамин муассиса омода гардидаанд, дар вазъити идона супорида шуданд. Ҳамзамон ба Давлатов Дилшод барои чунин иқдоми хайрхоҳона ва ибратомуз Сипосномаи Мақомоти иҷроияи ҳокимияти давлатии ноҳия супорида шуд.
Дафтари матбуотии раиси ноҳияи Кӯшониён
