Ташкилоти террористӣ-эктремистии ҲН тариқи сомонаҳои интернетӣ аз кишварҳои аврупоӣ бо дурӯғу буҳтонҳои ғаразнок пайваста баромад намуда, ба оромиву осудагии ҷомеаи кишварамон халал ворид месозанд. Наҳзатиҳо аз солҳои нахустини истиқлолият борҳо бо муборизаҳои пинҳонию ошкоро кӯшишу талош меварзанд, ки дар кишварамон табаддулот ворид намуда, соҳиби давлату сохтори сиёсии динӣ гарданд. Онҳо барои расидан ба ин хадафу максадҳои муғризонаи худ бо ҳазору як роҳ махсусан, ҷавононро мағзшӯӣ карда, мехоҳанд сафи худро афзуда, шумораи онҳоеро, ки зидди ҷомеаи соҳибистикдоли мо санги маломат мезананд, зиёд намоянд.
Роҳбарону масъулони ТЭТ ҲН бо чеҳраҳои нопоку хоинонаи худ бори дигар соли 2015 бо саркардагии Абдуҳалим Назарзода - муовини Вазири дифои кишвар хостанд, ки табаддулоти давлатӣ намоянд ва сари қудрат оянд. Вале ин гуруҳи ҷиноятпеша ҳадафҳои худро амалй карда натавониста, шикаст хӯрданду бори дигар нокому оҷизу нотавон гаштанд. Оре, касе ки бо дилу нияти бад кору пайкор дорад, зуд сари хеш мехӯрад. Ҳоҷӣ Ҳалим, Мухиддин Кабирӣ, Гуруҳи 24 ва пайравони онҳо натавонистанд, ки пақшаҳои тарҳрезишудаашонро амалӣ созанд, тири онҳо хок хӯрд.
Мардуми кишвари соҳибистиқлоламон басе ватандӯсту фидокор, меҳанпараст ва далеру шуҷоанд, ки бо хӯшёриву зиракии сиёсй онҳо ҳадафҳои муғризонаи нобакорони наҳзатй фавран фош гардида, хоинони миллат саркӯбу несту нобуд карда шуданд. Саркардагони фитнаангезу тарсончак гӯё илоҷи воқеаро пеш аз вуқуъ ҳис карда буданд, ки рӯ ба гурез ниҳода, ба хориҷа гурехта то имрӯз фирорй гаштаанд.
Нақшаву ҳадафҳои ғаразноку таъсиси давлати исломӣ, ки максаду мароми ин ҳизб аст, ҳеч гоҳ амалӣ нахоҳанд шуд. Мардум ҳеч вақт ба сафсатаю ваъдаҳои дурӯғин ва макру фиреби онҳо бовар надоранд. Маҳз, бо ҳадафҳои ғаразноки онҳо 150 ҳазор нафар дар ҷанги шаҳрвандӣ кушта шуданд, вале саркардагону роҳбарони ҷанги бародар куш офату фоҷеаи фирориёни ТЭТ ҲН дар хориҷа назди хоҷагони сармоягузори худ бардаму саломат буда, ҷон ба саломат бурданд. Мардуми бечора азобу уқубати зиёдеро паси сар карданд.
Наҳзатиҳо сулҳу оромй, вахдати миллй, пешрафту нумуъ, дастовардҳои миллат ва бунёдкориҳои кишварамонро нодида гирифта, рашку ҳасад мебаранд, бо ҳар роҳу восита мехоҳанд халал эҷод намоянд, авзои ҷомеаро ноором созанд ва аз худ дарак диҳанд.
Роҳбарону масъулони ТЭТ ҲН, ки бо маблағҳои бедардимиёни хоҷагони хориҷиашон ба таври худ «кору фаъолият» доранд, боре андешида бошанд, ки худ хоинанду ватанфурӯш, террористу экстремист буда, зидди Ватани аҷдодии худ тухми душманӣ мекоранд. Барои онҳо давлат, миллат, мазҳаб, Ватан, ваҳдат ва сулҳу оромӣ ҳеҷ арзише надорад. Онҳо танҳо барои манфиати худ, ноором кардани вазъи сиёсӣ, ҷалби шаҳрвандон ба корҳои ифротй ва содир намудани ҷинояту куштор кӯшиш доранд.
Мардуми тоҷик хуб медонад, ки замони ҷанги шаҳрвандӣ шабеҳи Ироқу Сурия, Яману Афғонистон гардида буданд. Ҳадафу мақсадҳои наҳзатиҳо бо роҳи зӯрй, фишор ва қатлу куштор таъсис додани давлати исломӣ буд. Дар натиҷаи ҷанги хонумонсӯзи шаҳрвандӣ беш аз 1 миллион нафар мардуми осоишта фирорӣ гардида, ба азобу уқубатҳои гӯшношунид гирифтор шуданд.
Асосгузори сулҳу вахдати миллй-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон санаи 4 майи соли 2018 дар Конфронси байналмилалии сатҳи баланд таҳти унвони «Муқовимат бо терроризм ва ифротгароии хушунатомез» аз ҷумла қайд намуданд, ки «Фидокориву мардонагии халқи тоҷик дар ҳимояи марзу бум ва арзишҳои фарҳангу тамаддуни қадимаи хеш, ифодаи қавии мардуми мо ба сулҳу суббот ва созандагиву бунёдкорй боис гардид, ки пеши роҳи амалҳои террористону ифротгароёни дохиливу хориҷӣ дар кишвари тозаистиқлоли мо гирифта шавад».
Дар ҳақиқат мардуми мо сулҳу вахдати миллиро дар кишварамон чун гавҳараки чашм аз ҳама гуна ғаразу туҳмат ва омилҳои номатлуб муҳофизат менамояд. Ҳамаи неруҳои ҷомеаи имрӯза баҳри он саъю талош доранд, ки бо ҳар роҳу восита, бо ҳисси баланди ватандӯстию меҳанпарастй ва худшиносию худогоҳии миллӣ Ватанамонро аз ҳатари таҳдидҳои ифротгароёна ҳимоя намоянд.
Корманди маркази алоқаи почтаи ноҳияи Кушониён
Сатторова А.
