Мо аз он ифтихор дорем, ки Тоҷикистон имрӯз ба яке аз кишварҳои орому осоишта ва рушду нумуъёфта табдил ёфта истодааст. Мардуми тоҷик бо роҳбарии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баҳри боз ҳам равнақ додани иқтисодиёт, баланд бардоштани сатҳи зиндагии мардум ва таҳкими сулҳу ваҳдати миллӣ саъю талош доранд.
Доғу дарди ҷанги даҳшатбори шаҳрвандӣ, ки ҷони 150 ҳазор касро бурдааст, тоҳанӯз осори он дар ҳар хонавода ба назар мерасаду барои ҳар яки мо сабақи талх аст.
Ба ҳамаи ин нигоҳ накарда ТЭТ ҲН пайи ноором кардани ҳаёти осоиштаи мардуми мо ба ҳар гуна амалҳои нангин даст мезананд. Воқеаҳои хунини Данғара, ки нисбати сайёҳони хориҷӣ аз ҷониби ТЭТ ҲН амалӣ гардид, кирдори зишту нангине буд. Ин тоифа аз чунин нақшаҳои ғаразноку нопок ҳеҷ даст намекашанд, зеро террорист даҳшатофаранда аст.
Ташкилоти экстремистӣ – террористии ҲН рӯзи 12 декабри соли равон дар давлати Олмон боз як ҳамоиши навбатиашонро барои озод намудани маҳбусони сиёсӣ созмон доданӣ ҳастанд. Ин талаби онҳо ноҳақ, ноодилона ва амалинашаванда аст.
Наҳзатиҳо барои он озод намудани маҳбусони сиёсиро талаб доранд, ки худашон ба ҷиноятҳои онҳо даст доранд, дастуру супориш додаанд, зеро бо маҳбусшудагон якҷоя амал мекарданд. Имрӯз бошад хизмати хирсона намуда, дар назди маҳбусони сиёсӣ худро сафед кардан мехоҳанд, аммо ҳеҷ гоҳ ба мақсад нахоҳанд расид.
Маҳбусони сиёсӣ чӣ хеле ки медонем барои адои ҷинояту гуноҳҳои вазнинашон зиндонӣ шудаанд. Ҳамаи ҷиноятҳои содиркардаашон аз тарафи мақомоти ҳифзи ҳуқуқ ошкору исбот карда шуда, аз рӯи қонун маҳбасӣ шудаанд.
Агар мо ҳар як талабу дархости ноҳақу ноодилонаро ба назар гирифта, маҳбусонро озод намоем, фардо ба сари миллати мо боз чӣ фоҷиаҳое хоҳад омад. Бигзор ҷинояткорон дар назди қонун ҷавоб гуфта, гуноҳашонро бишӯянд.
Раиси КИ ҲХДТ дар ноҳияи Кӯшониён
Сатторова М. А.
