Рӯзи 20 декабри соли равон дар толори маҷлисгоҳи мақомоти иҷроияи ҳокимияти давлатии ноҳия, Комиссияи ҷамъиятӣ оид ба пешгирии коррупсия дар ноҳияи Кӯшониён, таҳти роҳбарии Д. Шукруллозода муовини раиси ноҳия, раиси комиссияи ҷамъиятӣ оид ба пешгирии коррупсия дар ноҳияи Кӯшониён баргузор гардид.
Дар кори Комиссия тамоми аъзоён ва дигар роҳбарони ташкилоту идораи ноҳия ширкат варзиданд. Тибқи рӯзномаи маҷлис яке аз масъалаҳои баррасишаванда, Нақша-чорабиниҳои мақомоти иҷроияи ҳокимияти давлатии ноҳия оид ба иҷрои «Стратегияи муқовимат бо коррупсия дар Ҷумҳурии Тоҷикистон барои солҳои 2013-2020» ва натиҷаҳои санҷиши ин Барнома аз тарафи гурӯҳи корӣ мавриди баррасӣ қарор гирифт. Сараввал тибқи рӯзномаи ҷаласа ҳисоботи котиби Комиссияи ҷамъиятӣ оид ба пешгирии коррупсия дар ноҳияи Кӯшониён шунида шуд. Инчунин дар ҷаласа ҳисоботҳои мудири бахши ҷавонон ва варзиши ноҳия П.Азимов ва Раиси КИ ҲХДТ дар ноҳияи Кушониён М.Сатторова шунида шуд. Дар фарҷоми ҷаласа нақшаи кори Комиссияи ҷамъиятӣ оид ба пешгирии коррупсия дар ноҳияи Кӯшониён, мавриди баррасӣ қарор гирифта аз тарафи аъзоёни комиссия тасдиқ гардид.
Рӯзномаи Кӯшониён
