Бахшида ба «Рӯзи ҷавонони Тоҷикистон», субҳи 22 майи соли 2019 дар маркази ноҳия сараввал бо иштироки зиёда аз 5 ҳазор нафар, роҳпаймоии ҷавонону наврасон дар даст бо шиору навиштаҷотҳо ва парчами давлатӣ аз саршавии шаҳраки И.Сомонӣ то бинои Кохи фарҳанги ноҳия, инчунин бо иштироки роҳбарони ташкилоту муассисаҳо, фаъолони ноҳия баргузор гардид.
Пас аз роҳпаймоӣ, таҳти роҳбарии Ҷаббори Ғаффор, раиси ноҳия, муовинони раиси ноҳия, роҳбарони ташкилоту муассисаҳо, ҷавонону наврасон ва фаъолони ноҳия, дар толори Кохи фарҳанги ноҳия чорабинии сиёсию фарҳангӣ баргузор гардид. Ҷаббори Ғаффор, раиси ноҳия ҳамаи иштирокдорон ва дар симои онҳо куллӣ ҷавонони бо нангу номуси ноҳияро ба рӯзи ҷавонон табрик намуда, иброз доштанд, ки имрӯзҳо ҷавонону наврасони ноҳия, баҳри муаррифии кишварамон, дар арсаи байналмилалӣ саҳмгузор мебошанд. Ҳамин аст, ки ҷавонону наврасони сарбаландӣ ноҳия аз мусобиқаҳои сатҳи байналмилалӣ 2 медали тилло ва 1 медали биринҷӣ ба ноҳия овараданд. Дар ноҳия зиёда аз 81 ҳазор ҷавонон зиндагонӣ ва кору фаъолият доранд, гуфт- Ҷаббори Ғаффор, раиси ноҳия.
Ҳамзамон ҷавонону наврасони фаъоли ноҳия ба сухан баромада, шукронаи сулҳу суботи диёри биҳиштосоямонро намуда, қайд доштанд, ки ифтихор аз он доранд, ки чунин Пешвои муаззами ҷавонпарварона доранд. Бо ташаббуси бевоситаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ҷавонон имконияти фарох пайдо намуданд, ки дар кишварҳои абарқудрати дунё рафта таҳсили илм намоянд. Ҷавонону наврасони ноҳия ба ин ҳама ғамхорию дастгириҳои бевоситаи роҳбари давлатамон ваъда доданд, ки баҳри пойдори сулҳу суббот ва соҳибистиқлолии кишварамон содиқона ба Ватанамон хидмат хоҳанд кард. Ба хотири ҳавасмандгардонии ҷавонону наврасон, аз ҷониби мақомоти иҷроияи ҳокимияти давлатии ноҳия, ба як қатор ҷавонону наврасони фаъоли ноҳияро бо сипонома ва ифтихорнома қадрдонӣ карда шуданд. Аз ҷониби бахши фарҳанги ноҳия, баҳри болидахотирии иштирокдорони ҷамъомад, шеъру суруд дар васфи ватан ва ҷавонӣ пешкашӣ ҳозирин гардид.
Аксҳо аз рафти роҳпаймоӣ:
«Кӯшониён»
