Дар баробари гарм шудани ҳаво ва фаро расидани мавсими оббозӣ баромадани насли наврас дар назди каналу ҷуйборҳо пайдо мегардад. Чи тавре, ки иттиллоъ дорем вилояти Хатлон яке аз минтақаҳои гармтарини Ҷумҳуриямон ба ҳисоб меравад, ки аз ин ҳисоб талаботи наврасон ба оббозию шиноварӣ зиёд мебошад.
Ҳар сол дар мавсими оббозӣ аз сабаби надонистани қоидаҳои дурусти шиноварӣ даҳҳо нафар шаҳрвандон ҷони худро аз даст медиҳанд.
Мутаасифона аксарияти онҳо ҷавонону наврасон буда, аз сабаби надонистани қоидаҳои дурусти шиноварӣ ғарқ мешаванд.
Бо ин мақсад дар ҳафтаи сипаригардидаи соли равон аз ҷониби гуруҳи кории Раёсати Кумитаи ҳолатҳои фавқулодда ва мудофиаи гражданӣ дар вилояти Хатлон дар масҷидҳои ҷомеи ноҳияи Кӯшониён вобаста ба пешгирӣ намудани ҳодисаҳои ғарқшавии шаҳрвандон дар мавзеъҳои хавфноки канали дарёҳои ноҳия корҳои фаҳмондадиҳӣ гузаронида шуд.
Сардори шуъбаи Раёсати Кумитаи ҳолатҳои
фавқулодда ва мудофиаи граждании
вилояти Хатлон дар ноҳияи Кӯшониён
капитан Д. Қуватов
