Вализода Икромиддин Сироҷиддин: Шумораи иншоотҳои ҷашниро, бахшида ба 30-солагии Истиқлолияти давлатии Ҷумҳурии Тоҷикистонро ба 400 адад мерасонем.
Ҳафтаи сипаригардидаи соли равон, дар толори мақомоти иҷроияи ҳокимияти давлатии ноҳияи Кӯшониён, таҳти Раёсати Вализода Икромиддин Сироҷиддин, раиси ноҳияи Кӯшониён ва намояндаи мақомоти иҷроияи ҳокимияти давлатии вилояти Хатлон, Раъно Раҳимзода, сардори Раёсати кор бо занон ва оилаи вилояти Хатлон, бо иштироки роҳбарони ташкилоту идораҳо, шуъбаю бахшҳо, хоҷагиҳои деҳқонӣ ва кормандони ҷамоатҳои шаҳраку деҳоти ноҳия, маҷлиси ҷамъбасти тараққиёти иқтисодию иҷтимоии ноҳия дар соли 2019 баргузор гардид.
Тибқи рӯзномаи маҷлис, ҳамаи муовинони соҳавии раиси ноҳия баромад намуданд ва баъд аз шунидани ҳисоботҳо, тибқи рӯзномаи маҷлис пурсиши як қатор роҳбарони ташкилоту идораҳо ба амал омада, раиси ноҳия оид ба иҷрои дастуру супоришҳо ва бартараф намудани камбудиҳо, супоришҳои мушаххас доданд. Дар фарҷоми ҷаласа Раъно Раҳимзода, сардори Раёсати кор бо занон ва оилаи вилояти Хатлон, оид ба дастовардҳои назаррас ноил шудан дар соли 2019-ум, изҳори сипос намудаанд. Таъкид гардид, ки аз оғози сол бояд ба чорабиниҳои муҳими сиёсӣ ва маънавию фарҳангии дар пеш истода омодагиҳои ҷиддӣ дида шавад. Ҳамзамон тамоми ташкилоту идораҳои ноҳия, қабул ва муроҷиатҳои шаҳрвандонро дуруст ба роҳ монда, барои қонеъ гардонидани муроҷиатҳои онҳо аз тамоми имкониятҳо истифода баранд. Дар охири суханронӣ, Раъно Раҳимзода миннатдории мақомоти иҷроияи ҳокимияти давлатии вилояти Хатлонро, дар рӯзҳои ҷашну идҳо ва дар арафаи соли нави мелодӣ, расонидани кӯмакҳо ба қишри эҳтиёҷмандӣ ҷомеа, ба хусус ба шахсони имконияташон маҳдуд баён намуданд.
Аксҳо аз рафти маҷлиси ҷамъбастӣ:
Кӯшониён
