Рӯзи 29 январи соли равон, дар идомаи сафарии кории худ раиси ноҳия боҳамраҳонаш, аз шаҳри Москва ба шаҳри Уфаи чумҳурии Башкортостани Федератсияи Россия сафар намуданд. Дар ин ҷумҳурӣ низ, Вализода Икромиддин Сироҷиддин, раиси ноҳия ва гурӯҳи корӣ бо роҳбарони ҷамъиятҳои тоҷикон, соҳибкорони бурунмарзии тоҷик, диаспораҳо ва дигар шахсони расмӣ вохӯрданд. Ҳангоми вохӯриҳо раиси ноҳия ба иштирокчиёни ҷамъомад, оид ба имкониятҳои иқтисодии ноҳия, раванди босуръати корҳои ободонию созандагӣ, имтиёзу шароитҳои мавҷудаи ноҳияи Кўшониён барои таъсиси корхонаҳои саноатӣ, таъмини шароитҳои мусоид барои рушди соҳибкории хурду миёна, коркарди маҳсулот ва содироти он ба хоричи кишвар сӯҳбати самимӣ намуданд. Ҳамватон ва соҳибкорони бурунмарзии мо ҳангоми суҳбат қайд намуданд, ки дастуру супоришҳои Пешвои муаззами миллатро сармашқи кори худ намуда, баҳри ободии Ватани азизмон саҳмгузор хоҳанд шуд. Онҳо аз дигаргуниҳои куллие, ки дар Тоҷикистон, аз ҷумла бозҳам ободу зебо гаштани пойтахти азизамон шаҳри Душанбе, шаҳрҳо ва ноҳияҳо, сохтмонҳои бузург ба мисли НОБ-и Роғун, роҳҳои байналмиллалӣ ва бунёди корхонаҳои азим изҳори қаноатмандӣ намуданд ва пешниҳод намуданд, ки саҳми худро дар самти таъсиси коргоҳои нав, сармоягузорӣ ва ҳамкорӣ босоҳибкорони ноҳия мегузоранд. Ҳамзамон гуруҳӣ корӣ, дар идомаи сафари худ бо намояндагони Палати савдои ҷумҳурии Башкортостан вохурӣ намуда, ҷиҳати ҳамкориҳои дуҷониба фикру мулоҳизаҳои худро баён намуданд.
Аксҳо аз рафти сафари корӣ:
Муҳаммад Шарипов
