Дар идомаи нақша-чорабиниҳои мақомоти иҷроияи ҳокимияти давлатии ноҳия, оид ба тарғибу ташвиқи Паёми навбатии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба Маҷлиси олии кишвар, таҳти роҳбарии Вализода Икромиддин Сироҷиддин, раиси ноҳия бо иштироки намояндагони ҳифзи ҳуқуқ, роҳбарони ташкилоту муассисаҳои ноҳия, санаи 4 феврали соли равон, бо сокинони Ҷамоати деҳоти Ориён вохӯрӣ баргузор гардид.
Раиси ноҳия дар оғози ҷамъомад оид ба нуқтаҳои асосии Паёми Пешвои миллат ёдовар шуда, қайд намуданд, ки ҷиҳати дар амал татбиқ намудани дастуру супоришҳои Сардори давлат, ки дар Паём дарҷ гардидаанд, ҳар як фарди ҷомеа содиқона иҷро намуда, саҳмӣ худро баҳри ободии Ватани азизамон гузорад. Тоҷикистони азизи мо, сол то сол таҳти роҳбарии Президенти мамлакат, ба ҳадафҳои олии худ, яъне расидан ба истиқлолияти энергетикӣ, амнияти озуқаворӣ, баромадан аз бунбасти комуникатсионӣ ва саноатикунонии босуръати кишвар расида истодааст, қайд намуд раиси ноҳия. Оид ба нуқтаҳои дигари Паёми Пешвои миллат, ҳамзамон аъзоёни дигари гурӯҳи корӣ суханронӣ намуда, инчунин масъалаҳои ҳалталаби дигар аз қабили пешгирии шомилшавии ҷавонон ба гурӯҳои ифротӣ, истифодаи дурустӣ шабакаҳои иҷтимоӣ аз тарафи шаҳрвандон, самаранок истифода бурдани заминҳои наздиҳавлигӣ, омодагиҳо ба кишти баҳорӣ, даъвати ҷавонон ба сафи қувваҳои муссалаҳи Ҷумҳурии Тоҷикистон, омодагиҳо ба интихобот ва дар дар сатҳи баланд ҷашнгирии 30 –солагии Истиқлолияти давлатии Ҷумҳурии Тоҷикистон мавриди баррасӣ қарор гирифтанд.
Аксҳо аз рафти нақша чорабинии Паём:
Кӯшониён
