Санаи 11 феврали соли равон дар ҷамоати деҳоти Навбаҳор оид ба ҷоннок намудани корҳои ташфиқотию тарғиботӣ барои амали гардонидани ҳадафҳои барномаи «Стратегияи миллии мубориза бар зидди гардиши ғайриқонунии маводи мухадир дар Ҷумҳурии Тоҷикистон барои солҳои 2013-2020» ва «Стратегияи миллии солимии аҳолии Ҷумҳурии Тоҷикистон барои солҳои 2010-2020» бо иштироки, Намаояндаи Маркази наркологии назди Ҳукумати вилояти Хатлон Мусамиров Ҳайдар, Мутахассиси пешбари шуъбаи рушди иҷтимоӣ ва робита бо ҷомеаи дастгоҳи раиси ноҳияи Кӯшониён Муҳаммад Шарипов, Муовини идеологии раиси ҷамоати деҳоти Навбаҳор Қурбонов Абдулҳамид ва раисони маҳаллаҳои Навобод, Чорсу, Тоҷикобод ва Саричашмаи ҷамоати деҳоти Навбаҳор вохӯрӣ баргузор гардид.
Бояд қайд намуданд, ки Нашъамандӣ ба тамоми узвҳои инсони истеъмолкунандаи маводи нашъаовар, аз қабили асаб, гурда, дил ва дигар узвҳои дарунӣ таъсири манфӣ расонида, шахси муътодро ҷавонмарг месозад. Нашъамандӣ охирҳои асри XX ва ибтидои асри XXI авҷ гирифта, ба мушкили аввалияи ҷаҳониён табдил ёфтааст.
Бинобар ин мо ҷавонони имрӯза бояд ҳар як дақиқаи умри худро сарфакорона истифода барем ва нагузорем, ки насли ояндаи мо ба омилҳои номатлуб даст зананд.
Мутахассиси пешбари шуъбаи рушди иҷтимоӣ ва робита
бо ҷомеаи дастгоҳи раиси ноҳияи Кӯшониён
Муҳаммад Шарипов
