Дар толори маҷлисгоҳи Кумитаи иҷроияи ҲХДТ дар ноҳияи Кӯшониён семинар -машварати дастурдиҳӣ бо гурӯҳи таблиғотӣ дар назди КИ ҲХДТ дар ноҳияи Кӯшониён баргузор гардид. Семинар — машваратро бо сухани ифтитоҳӣ Раиси Кумитаи иҷроияи ҲХДТ дар ноҳияи Кӯшониён Абдусаломзода Мунаввар Алиакбар оғоз намуда, дар бораи мақсаду мароми машварати мазкур ва маъракаи муҳими сиёсӣ – интихоботи вакилон ба Маҷлиси намояндагони Маҷлиси Олии Ҷумҳурии Тоҷикистон ва Маҷлисҳои маҳаллӣ суханронӣ намуд.
Дар семинар ба аъзои гурӯҳи таблиғотӣ ва нозирони миллӣ доир ба фаъолияти кориашон дар маъракаи пешазинтихоботӣ аз рӯи қонунҳои Ҷумҳурии Тоҷикистон “Дар бораи интихоботи вакилон ба Маҷлиси Олии Ҷумҳурии Тоҷикистон” ва “Дар бораи интихоботҳои вакилон ба Маҷлисҳои маҳаллии вакилони халқ” дастур дода шуд.
Ҳамзамон, Раиси Кумитаи иҷроияи ҲХДТ дар ноҳияи Кӯшониён Абдусаломзода Мунаввар Алиакбар иштирокчиёнро бо ҷадвали вобастакунии гурӯҳҳо дар деҳаву шаҳраки ҷамоатҳои ноҳия шинос намуда ва барояшон комёбиҳо таманно намуд.
Дар охири аз тарафи масъулони Кумитаи иҷроия маводҳои таблиғотии ҳизбӣ ба иштирокчиён дода шуд.
КИ ҲХДТ дар ноҳияи Кӯшониён
