"Роҳбарони вилоятҳо ва шаҳру ноҳияҳо вазифадоранд, ки якҷо бо Вазорати кишоварзӣ ҷиҳати зиёд кардани майдони кишти зироатҳо, ташкили гармхонаву сардхонаҳо ва беҳтар намудани таъминоти бозори истеъмолӣ бо маҳсулоти соҳа ва афзоиш додани ҳаҷми содирот чораҳои қатъи андешанд. Аз як қитъаи замин гирифтани на як-ду, балки се-чор ҳосил, баланд бардоштани ҳосилнокии зироатҳо ва рушди соҳаи тухмипарварӣ низ аз ҷумлаи масъалаҳои муҳими фаъолияти олимон ва кишоварзон дар ин самт ба ҳисоб меравад".
Аз Паёми навбатии Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон.
Кишоварзони заҳматқарини ноҳияи Кӯшониён, дастуру супоришҳои Асосгузори сулҳу ваҳдати миллӣ- Пешвои миллат, муҳтарам Эмомалӣ Раҳмонро, оид ба самаранок истифода бурдани ҳар як ваҷаби заминро сармашқи кори худ намуда, сол то сол истеҳсоли маҳсулоти кишоварзиро афзун намуда истодаанд. Ҳамаруза аз гармхонаҳои ноҳия сабзавоти тару тоза ба бозорҳои шаҳру ноҳияҳои вилояти Хатлон ва ба дигар навоҳии ҷумҳури содирот карда мешавад. Мақомоти иҷроияи ҳокимияти давлатии ноҳияи Кӯшониён, барои кишоварзон тамоми шароитҳоро муҳайё намуда, ҷиҳати дар амал татбиқ намудани таъмини амнияти озуқавории мамлакат саҳми худро гузошта истода, дастгир ва мададгори марди деҳқон мебошад.
Аксҳо аз гармхонаҳои парвариши сабзавоти ноҳия:
