Бо мақсади баррасии мазмун ва муҳтавои Паёми навбатии Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба Маҷлиси Олӣ ва тибқи Нақшаи тасдиқгардида аз тарафи Раёсати кор бо ҷавонон ва варзиши вилояти Хатлон ва мақомоти иҷроияи ҳокимияти давлатии ноҳия, бахши кор бо ҷавонон ва варзиши ноҳия силсилаи мулоқоту вохӯриҳоро, дар самти амалисозии татбиқи сиёсати давлатии ҷавонон ва хонишҳои сиёсӣ, таҳти унвони “Ҷавонон, Паём ва манфиатҳои миллӣ” дар ҷамоатҳои шаҳраку деҳоти ноҳия ба роҳ мондааст. Вохӯрии навбатӣ дар муассисаи таълимии миёнаи умумии №3-и ноҳия, бо хонандагони синфҳои болоӣ ва омӯзгорони ҷавони ин муассиса баргузор карда шуд. Дар ҷамъомад ҳамзамон масъалаҳои мубрами рӯз аз қабили даъвати ҷавонон ба сафи Қувваҳои Муссалаҳи Ҷумҳурии Тоҷикистон, пешгирии шомилшавии ҷавонон ба гурӯҳҳои ифротӣ, ҷинояту ҷинояткорӣ, ҳаракати волонтёрӣ, пос доштани муқаддасоти миллӣ ва риояи гигиенаи шахсӣ мавриди баррасӣ қарор гирифтанд.
Аксҳо аз рафти вохурӣ:
