ПЕШВОИ МИЛЛАТ-ҒАМХОРИ МИЛЛАТ
«Мо аз душвориҳои муваққатӣ набояд ҳаросем, саломатии худ ва наздиконамонро эҳтиёт кунем, ташаббускору сарвар, муттаҳиду сарҷамъ, нисбат ба ҳамдигар ғамхору меҳрубон ва дар ҳама ҳолатҳои душвору вазнин якдигарро дастгирӣ намоем».
Асосгузори сулҳу ваҳдати миллӣ-Пешвои миллат, муҳтарам Эмомалӣ Раҳмон
Имрӯз аз ҷониби Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, бо мақсади дастгирии иҷтимоию иқтисодии кормандони соҳаи тиб ва нафароне, ки ба бемории сироятии COVID-19 гирифтор шудаанд, аз пойтахти мамлакат ба ноҳияи Кӯшониён кӯмаки моддӣ иборат аз 7 нақлиёти боркаш аз ҷумла: як таҷҳизоти тибии додани нафаси сунъи “ИВЛ”, маводи хӯрока, доруворӣ, ниқобҳо, либосҳои муҳофизатии тиббӣ, маҳлулҳои антисептикӣ ва безараргардонӣ ворид гардид. Кӯмаки Пешвои муаззами миллат, аз тарафи роҳбарияти ноҳия қабул гардида, ба тамоми кормандони соҳаи тандурустӣ ва беморони сироятёфта дастрас карда мешаванд. Ин иқдом, баёнгари ташаббусҳои навбатию ғамхоронаи Пешвои миллат, мӯҳтарам Эмомалӣ Раҳмон, дар роҳи ҳарчи зудтар бартараф намудани бемории сироятии “COVID -19” маҳсуб меёбад.
