Дар асоси нақша-чорабиниҳои мақомоти иҷроияи ҳокимияти давлатии ноҳияи Кӯшониён, таҳти роҳбарии Д.Шукруллозода, муовини раиси ноҳия, дар ҷамоати деҳоти Меҳнатобод барои ошкорсозии хиёнатҳои аъзоёни собиқ ТЭТ ҲНИ, дар филми ҳуҷҷатии “Хиёнат”, бо фаъолон ва сокинони Ҷамоат конференсия баргузор карда шуд. Зимни баромадҳо, қайд гардид, ки имрӯз, ки дар Тоҷикистони азизамон вазъияти орому субот ҳукмрон аст ва мардуми кишвар дар атрофи сиёсати созандаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон муттаҳиданду барои ободии Ватан талош мекунанд, вақти он расидааст, ки сабабгору гунаҳкори воқеаҳои солҳои 90-ум будани ҷинояткорони наҳзатиро ошкоро эълон кунем ва онҳоро қотеона маҳкум намоем. Нагузорем, ки дигар чунин амалҳои палидона ва нангин дар Ватани мо ба амал оянд. Дар атрофи масъалаи мазкур якчанд собиқадорони меҳнат, фаъолон ва ҷавонони ватандӯсти Ҷамоат баромад намуданд.
