“Халқи сарбаланди тоҷик дар ҳама давру замон ба табақаҳои ниёзманд дасти ёрӣ дароз карда, саховату ҳимматбаландии ибратомӯз нишон додааст”.
Асосгузори сулҳу ваҳдати миллӣ-Пешвои миллат, муҳтарам Эмомалӣ Раҳмон.
Имрӯз, чун ҳукми анъана бахшида ба солгарди Рӯзи Конститутсияи Ҷумҳурии Тоҷикистон, аз тарафи Вализода Икромиддин Сироҷиддин раиси ноҳия ва ҳамраҳонаш 4 нафар собиқадори меҳнати Ҷамоати деҳоти Заргари ноҳия Латипова Бибигул, собиқадори соҳаи кишоварзӣ, Мирзоева Сайбӣ, собиқадори соҳаи тандурустӣ, Ғоибов Саид, механизатори собиқадор ва Назриев Аскар, собиқадори соҳаи маориф аёдат гардида, ба ҳар яки онҳо шириниҳо ва маводҳои ғизоӣ кӯмак расонида шуд. Ҳангоми суҳбати самимӣ, раиси ноҳия миннатдории худ ва мақомоти иҷроияи ҳокимияти давлатии ноҳияро ба ин шахсони обрӯманди ноҳия расонида ба онҳо тансиҳати ва хонаи обод тамманно намуда, қайд намуданд, ки хизматҳои шоёни онҳо ҳеҷ гоҳ фаромуш намешавад ва пайваста кӯмакҳои лозима расонида мешавад. Пирони рӯзгордида низ ҷавобан ба ин ғамхориҳо миннатдорӣ намуда, аз тинҷиву амонӣ ва осмони софу беғубори ватани азизамон шукргузорӣ намуда, ба Пешвои муззами миллат ва халқи сарбаланди тоҷик дуои нек намуданд.
Хадамоти матбуотии раиси ноҳияи Кӯшониён
