«Конститутсия маҳсули андешаи миллӣ ва арзишҳои бунёдии халқи кишвар мебошад, зеро ин ҳуҷҷати сарнавиштсоз маҳз ба шарофати андешаву ҳувияти миллӣ, таҳаммулгароӣ ва ҷасорату матонати сиёсии мардуми дорои маърифати баланди ҳуқуқӣ қабул гардида, барои устувории пояҳои давлати мустақил мусоидат намуд»
Асосгузори сулҳу ваҳдати миллӣ – Пешвои миллат, Президенти кишвар, Ҷаноби Олӣ, муҳтарам Эмомалӣ Раҳмон
Имрӯз, дар доираи чорабиниҳои 26-умин солгарди рӯзи Конститутсияи Ҷумҳурии Тоҷикистон, сараввал дар маркази ноҳия шаҳраки И.Сомонӣ бо иштироки роҳбарияти ноҳия ва меҳмонон маркази хизматрасонӣ, ки дорои ошхонаи замонавӣ, мағозаи тиҷоратӣ, дорухона ва гулгашти зебо мебошад ба истифода дода шуд. Маркази мазкур аз тарафи соҳибкори маҳаллӣ Маҳмадаминов Абдулҳамид бо харҷи беш аз 1 миллион сомонӣ сохта шудааст. Дар вазъияти тантанвӣ ба соҳибкор, Сипосномаи мақомоти иҷроияи ҳокимияти давлатии ноҳия супорида шуд. Ҳамзамон дар деҳаи Орзуи Ҷамоати шаҳраки Бустонқалъа, бо ташаббуси соҳибкорони маҳаллӣ ва сокинони ҷамоат беш аз 1 километр роҳи аҳамияти маҳаллӣ дошта таъмир ва мумфарш гардид, ки бо иштироки роҳбарияти ноҳия ва Файзулозода Заробиддин, муовини раиси вилояти Хатлон ба истифода дода шуд. Дар ин ҷо ҳамзамон намоиши ҳунарҳои мардумӣ ва маҳсулоти қаннодӣ аз тарафи сокинони Ҷамоат ба марразӣ тамошо гузошта шуда буд. Соҳибкорони маҳаллӣ барои иқдоми пешгирифтаашон, бо Сипосномаи мақомоти иҷроияи ҳокимияти давлатии ноҳия қадрдонӣ гардиданд.
Хадамоти матбуотии раиси ноҳияи Кӯшониён
