Санаи 21 ноябри соли равон, бо иштироки Раиси вилояти Хатлон, Қурбон Ҳакимзода, роҳбарияти ноҳия ва тамоми ташкилоту идораҳои ноҳиявӣ ва сокинон, дар саҳни бинои нави боҳашамати таълимии Ҷамоати деҳоти Заргар, ки иншооти ҷашни, бахшида ба 30-солагии Истиқлолияти давлатии Ҷумҳурии Тоҷикистон омода гашта истодааст, шанбегии умуминоҳиявӣ баргузор гардид. Дар саҳни бино ва даромадгоҳи он дарахтони зебои ороишӣ шинонида шуданд, ки ба ҳусни ин макони илму маърифат зебогӣ мебахшад. Дар ҳамин ҷо низ раиси вилоят бо роҳбарият ва фаълони ноҳия суҳбат намуда, барои ташкили шанбегии умуминоҳиявӣ миннатдории худро баён намуда, оид ба дастуру супоришҳои Асосгузори сулҳу ваҳдати миллӣ- Пешвои миллат, муҳтарам Эмомалӣ Раҳмонро оид ба корҳои ободонию созандагӣ ва омодагиҳо ба ҷашнӣ бошукуҳи миллӣ 30-солагии Истиқлолияти давлатии Ҷумҳурии Тоҷикистонро ёдрас гардиданд.
Хадамоти матбуотии Раиси ноҳияи Кӯшониён
