Имрӯз, дар доираи чорабиниҳои тантанавӣ бахшида ба «Рӯзи Парчами давлатии Ҷумҳурии Тоҷикистон», дар деҳаи Гулистони Ҷамоати шаҳраки Бустонқалъа ва деҳаи Дилбари Ҷамоати деҳоти Меҳнатобод бо иштироки раиси ноҳия ва меҳмонон иншоотҳои ҷашнӣ, бунгоҳи тиббӣ ва синфхонаҳои иловагӣ ба истифода дода шуд. Бунгоҳи тиббӣ, дар доираи нақша-чорабиниҳо, бахшида ба 30-солагии Истиқлолияти давлатии Ҷумҳурии Тоҷикистон аз тарафи соҳибкори маҳаллӣ Ҳомидов Батриддин ва сокинони ин деҳа сохта шудааст, ки дар ин рӯз мавриди баҳрабардорӣ қарор гирифт. Бунгоҳи тиббӣ бо сифати баланд сохта шуда, бо мутахассисони пуртаҷриба таъмин гашта, бо тамоми таҷҳизотҳои тиббӣ муҷҷаҳаз гардонида шуддаст, ки ба сокинони деҳаи мазкур хизматрасонии тиббӣ мерасонад. Дар саҳни иншоот роҳбарият ва меҳмонони гиромӣ, бо сокинони деҳа суҳбати самимӣ намуда, раиси ноҳия ба саҳмгузорони иншооти муҳими иҷтимоӣ миннатдории хешро баён намуда, ба соҳибкори маҳаллӣ Сипосномаи мақомоти иҷроияи ҳокимияти давлатии ноҳия аз тарафи раиси ноҳия супорида шуд. Ҳамзамон, дар деҳаи Дилбари Ҷамоати деҳоти Меҳнатобод, дар назди МТМУ-и №6- ноҳия, 4 синфхонаи иловагӣ барои 100 нафар хонандагони синфҳои ибтидоӣ, ки бо ташаббуси сарвари мактаб ва бо дастгирии сокинони ин деҳа сохта шудааст, ба истифода дода шуд. Синфхонаҳо бо тамоми аёниятҳо ва таҷҳизотҳои зарурӣ муҷҷаҳаз гардонида шудааст. Раиси ноҳия ва меҳмонон ба сифати корҳои сохтмонӣ баҳои баланд дода, барои иқдоми пешгирифтаи сарвари мактаб ва раиси кумитаи падарон модарони ин муассиса, бо Сипосномаи мақомоти иҷроияи ҳокимияти давлатии ноҳия қадрдонӣ гардиданд.
Хадамоти матбуотии раиси ноҳияи Кӯшониён
