“Дар кишвари мо ҷиҳати пешгирӣ ва аз байн бурдани омилҳои коррупсионӣ ва тавсеаи ҳамкориҳои давлат бо ҷомеаи шаҳрвандӣ заминаҳои дахлдори ҳуқуқиву сохторӣ фароҳам оварда шудаанд”.
Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон
Имрӯз, таҳти Раёсати Вализода Икромиддин Сироҷиддин, раиси ноҳия бо иштироки раисони ҷамоатҳо, роҳбарони ташкилоту идораҳо, ва кормандони ҷамоатҳои шаҳраку деҳоти ноҳия, дар асоси нақша ҷаласаи Шӯрои мутобиқсозии методӣ оид ба таълиму тарбияи ҳуқуқии шаҳрвандон баргузор гардид. Дар ҷаласаи корӣ масъалаҳои зерин вобаста ба иҷрои саривақтии дастуру супоришҳои Пешвои муаззами миллат, рафти иҷрои талаботҳои «Стратегияи муқовимат бо коррупсия дар Ҷумҳурии Тоҷикистон барои солҳои 2013-2020», баланд бардоштани маърифати ҳуқуқии шаҳрвандон ва пешгирии амалҳои ҳолати коррупсионӣ дошта мавриди баррасӣ қарор гирифт. Дар фарҷоми кори Шӯро, раиси ноҳия ба масъулин оид ба мустаҳкам намудани алоқаи ҳамкорӣ байни мақомотҳо ташкилоту идораҳо ва ҷамоатҳои шаҳраку деҳот бо шаҳрванд, сари вақт қабул ва иҷро намудани муроҷиати шаҳрвандон, роҳ надодан ба қонуншиканиҳо ва пешгирии амалҳои коррупсионӣ дастуру супоришҳои мушаххас доданд.
Хадамоти матбуотии раиси ноҳияи Кӯшониён
