“Имрӯз дар кишвар расонидани кумак ба оилаҳои камбизоат, ятимону бепарасторон ва шахсони эҳтиёҷманд ба ҳукми анъана даромадааст.Халқи сарбаланди тоҷик дар ҳама давру замон ба табақаҳои ниёзманд дасти ёрӣ дароз карда, саховату ҳимматбаландии ибратомӯз нишон додааст”.
Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон
Имрӯз, баъд аз баргузории иҷлосияи Маҷлиси вакилони халқи ноҳия, роҳбарияти ноҳия дар якҷоягӣ бо Миралиён Қиёмиддин Раиси КИ ҲХДТ дар вилояти Хатлон, бо мақсади иҷрои дастуру супоришҳои Пешвои муаззами миллат оид ба дастгириҳои шахсони эҳтиёҷман ва ятимону собиқадорони меҳнат, 3 нафар сокинони Ҷамоати деҳоти Меҳнатободи ноҳия Самадов Мирзоёр, имконияташ маҳдуд, Ёқубова Меҳрона, ятими кулл ва Давлатов Ҳомидбек, собиқадори меҳнатро аёдат намуда, ба онҳо аз номи мақомоти иҷроияи ҳокимияти давлатии ноҳия шириниҳо ва маводҳои ғизоӣ кӯмак расониданд.
Хадамоти матбуотии раиси ноҳияи Кӯшониён
