Боздид аз иншоотҳои ҷашнии шаҳраки И.Сомонии ноҳия
Имрӯз дар доираи сафари кории худ ба ноҳия раиси вилояти Хатлон, Қурбон Ҳакимзода ва роҳбарияти ноҳия аз рафти корҳои сохтмонии пойдевори лавҳаи «Қаҳрамонони Тоҷикистон» дар маркази шаҳраки Исмоили Сомонӣ дидан намуданд. Қайд гардид, ки ин лавҳаи гиромидошт бо мақсади баланд бардоштани ҳувияти миллӣ ва арҷгузорӣ ба корномаи фарзандони фарзонаи миллат бунёд мегардад. Сохтмони иншооти мазкур моҳи ноябри соли 2020 оғоз гардида, баландиаш 4,5 метр ва паҳнояш 10 метр хоҳад буд. Лавҳа бо санъати баланди меъмории миллӣ тарҳрезӣ гардида, корҳои сохтмонӣ бо харҷи беш аз 50 ҳазор сомонӣ ҷараён доранд. Раиси вилоят таъкид намуд, ки ҳар яке аз Қаҳрамонони Тоҷикистон Садриддин Айнӣ, Бобоҷон Ғафуров, Эмомалӣ Раҳмон, Мирзо Турсунзода, Нусратулло Махсум ва Шириншоҳ Шоҳтемур дар замони худ чун шахсони ватандӯсту дурандеш барои муаррифии миллати тоҷик дар арсаи ҷаҳон, ҳимояи арзишҳои миллию давлатдорӣ, барқарории сулҳу субот ва устувории давлат саҳми бориз гузошта, бар зидди ҳама гуна равияҳои зиёновари миллатгароиву ҷудоиандозӣ мардонавор мубориза бурдаанд ва силсилаи иқдомоти иқтисодиву иҷтимоӣ ва фарҳангиро барои таҳкими арзишҳои милливу суннатии тоҷикон ва бунёди давлату давлатдории мардуми Тоҷикистон амалӣ намуданд. - Ин шахсони матиниродаву донишманд, оқилу дурандеш, сиёсатмадорони барҷаста тамоми қуввату дониш ва нерӯи маънавиашро барои поягузорӣ ва бунёди давлати миллии тоҷикон равона сохтаанд, - қайд намуданд раиси вилоят Қурбон Ҳакимзода. Қомат афрохтани лавҳаи “Қаҳрамонони Тоҷикистон” рамзи эҳтирому арҷгузорӣ ба заҳмату ҷоннисориҳои чеҳраҳои мондагори миллат мебошад. Қарор аст, ки бунёди лавҳаи мазкур, дар хиёбони марказии рӯзҳои наздик ба итмом мерасад.
Хадамоти матбуотии раиси ноҳияи Кӯшониён
