Имрӯз, тибқи нақша-чорабиниҳои мақомоти иҷроияи ҳокиммяти давлатии ноҳияи Кӯшониён ва нақша-чорабинии Раёсати кор бо ҷавонон ва варзиши вилояти Хатлон, бахши кор бо ҷавонон ва варзиши ноҳия, силсила мулоқоту вохӯриро, дар самти сиёсати давлатии ҷавонон ва хонишҳои сиёсӣ таҳти унвони "Ҷавонон, Паём ва манфиатҳои миллӣ" бо падару модарон ва хонандагони синфҳои 8 – 11, дар муассисаи таҳсилоти миёнаи умумии рақами 55- и Ҷамоати деҳоти Навбаҳор баргузор гардид. Дар чорабинии мазкур, оид ба сазовор ҷашн гирифтани 30- солагии Истиқлолияти давлатии Ҷумҳурии Тоҷикистон, ҷалби ҷавонон ба сафи қувваҳои мусалаҳҳӣ Ҷумҳурии Тоҷикистон, оид ба масъулияти падару модар, дар таълиму тарбияи фарзанд, пешгирии ҷавонон аз ҳар гуна омилҳои номатлуб, ҷинояту ҷинояткорӣ, худкушию худсузӣ ва ҷалби онҳо ба илмомӯзию донишандӯзӣ, таҳкими ҳувияти миллӣ мавриди баррасӣ қарор гирифт. Чунин вохӯриҳо, тибқи нақша дар ҳамаи муассисаҳои таълимии ноҳия баргузор гардида истодаанд.
Хадамоти матбуотии раиси ноҳияи Кӯшониён
