Имрӯз, дар толори маҷлисгоҳи Мақомоти иҷроияи ҳокимияти давлатии ноҳия, таҳти Раёсати Вализода Икромиддин Сироҷиддин, раиси Маҷлиси вакилони халқи ноҳия, иҷлосияи ғайринавбатии Маҷлиси вакилони халқи ноҳия баргузор гардид. Дар кори иҷлосия вакилон, роҳбарони мақомоти ҳифзи ҳуқуқи ноҳия, раисони ҷамоатҳо, роҳбарони ташкилоту идораҳо, муассисаҳо ва дигар фаъолон, ки вакил нестанд иштирок намуданд. Дар кори иҷлосияи ғайринавбатӣ як масъала, оид ба ворид намудани тағйиру иловаҳо ба қарори Маҷлиси вакилони халқи ноҳияи Кӯшониён аз 28 декабри соли 2020, №68 “Дар бораи буҷети ноҳияи Кӯшониён барои соли 2021” баррасӣ шуда, аз рӯи он ҳисоботи Чиллазода Аъзам, сардори Раёсати молияи ноҳия шунида шуда, аз тарафи вакилона тасдиқ карда шуд. Дар фарҷоми кори иҷлосияи ғайринавбатӣ, Вализода Икромиддин Сироҷидин, раиси Маҷлиси вакилони халқи ноҳия оид ба масъалаи баррасишуда, пешниҳод ва фикру мулоҳизаҳои худро баён намуда, ба вакилони ва иштирокчиёни иҷлосия барои иштироки фаъолона миннатдории худро баён намуданд. Ба ҳамин иҷлосияи ғайринавбатии Маҷлиси вакилони халқи ноҳияи Кӯшониён бо садо додани суруди миллӣ ба итмом расид.
Хадамоти матбуотии раиси ноҳияи Кӯшониён
