Санаи 4 июни соли 2024, бо мақсади иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар Ҷамоати деҳоти Меҳнатобод вохӯрии роҳбарияти ноҳия бо фаъолони Ҷамоати деҳоти Меҳнатобод баргузор гардид. Тибқи нақша-чорабиниҳои Мақомоти иҷроияи ҳокимияти давлатии ноҳия гурӯҳӣ корӣ аз тамоми фаъолияти ташкилоту идораҳо, муассисаҳои таълимӣ, хоҷагиҳои деҳқонӣ, ҳуҷҷатгузорӣ, корҳои ободонию созандагиро мавриди омӯзиш қарор дода, аз тарафи намояндаи Вазорати маориф ва илми Ҷумҳурии Тоҷикистон, роҳбари гурӯҳ, вобаста ба таҳлилу санҷишҳои гузаронида шуда маълумоти муффассал пешниҳод карда шуд. Роҳбарияти ноҳия, ҳангоми баррасии масъалаҳо вобаста ба санҷишҳои гузаронида шуда, баҳри вусъати корҳои ободонию созандагӣ ва бартараф намудани камбудиву норасиҳои ҷойдошта дастуру супоришҳои мушаххас доданд. Дар вохӯрӣ ҳамзамон, масъалаҳо вобаста ба коркарди саривақтии агротехникии зироатҳои кишоварзӣ, самаранок истифодабарии заминҳои ёрирасон ва наздиҳавлигӣ, пардохти саривақтии андозҳои давлатӣ, таъмири босифати муассисаҳои таълимӣ, корҳои ободонию созандагӣ, пешгирии шомилшавии ҷавонон ба ҳаргуна ҳизбу ҳаракатҳои ифротгаро, ҷалби ҷавонон ба сафи Қувваҳои мусаллаҳи Ҷумҳурии Тоҷикистон, риояи ҳатмии талаботҳои Қонунҳои Ҷумҳурии Тоҷикистон "Дар бораи танзими анъана ва ҷашну маросимҳо дар Ҷумҳурии Тоҷикистон", Дар бораи иттиҳодияҳои динӣ ва озодии виҷдон" баррасӣ гардиданд.
Дафтари матбуотии раиси ноҳияи Кӯшониён
