ВОКУНИШ: Ташкилоти террористи экстремистии собиқ ҳизби наҳзат, таҳти роҳбарии шахси ватанфурӯш Муҳиддин Кабирӣ, замоне Тоҷикистони маҳбубамонро ба гирдоби бало кашидаву рӯзҳои сахту шумеро ба сари халкҳои он пеш овард. Шароити мураккаби сиёсии ватани азизамон заминаеро ба вуҷуд овард, ки замоне ва лаҳзае пасон давлати Тоҷикистон ба шикаст рӯ ба рӯ гардида, аз байн мерафт.

      Намоиши навбатии филми мустанади “Хиёнат” тибқи нақша чорабиниҳои мақомоти иҷроияи ҳокимияти давлатии ноҳия, дар МТМУ-№3 Ҷамоати деҳоти Меҳнатобод бо фарогирии сокинони деҳаҳои Меҳнатобод ва Ваҳдатобод доир карда шуд, ки дар он тамоми фаъолони ин деҳаҳо иштирок намуданд.

    Бо мақсади ошкорсозии амалҳои хиёнаткоронаи роҳбарият ва аъзоёни собиқ ТЭТ ҲНӢ, тибқи нақша чорабиниҳои мақомоти иҷроияи ҳокимияти давлатии ноҳия, марҳила ба марҳила дар деҳаҳои ҷамоатҳои шаҳраку деҳоти ноҳия намоиши филми мустанади “Хиёнат” баргузор гардида истодааст. Намоиши аввали ин филм дар деҳаҳои Дониёркул, Навҷувон ва Ҳофизи Шерозии Ҷамоати деҳоти Меҳнатобод доир карда шуд, ки дар он тамоми фаъолони ин деҳаҳо иштирок намуданд.

     Сарвари давлат Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, дар Паёми навбатии хеш ба Маҷлиси Олии кишвар терроризму экстремизмро “Таҳдиди воқеиву ҷиддӣ ба амнияту суботи ҷаҳон ” ва “душмани бераҳму шафқат ва маккор” унвон карда, бори дигар ба ниҳодҳои марбута ва дар умум, ба ҳар кадоми мо ҳушдор додонд, ки бояд дар мубориза бо ин зуҳуроти хатарзотаини ҷаҳони имрӯза саҳлангориро канор гузорем.